 |
|
  
|
 |
 |
 |
Euskualdunen
BIDE GORMANTA
Bizi, ikusi, ulertu ………hitz batez MAITATU
Herri baten historioa biziaren tintaz idatzita ;
Uhainen maurrez edo hondartzen pausa atsegingarriaz akitua izanen naizelarik, " bide gormanta " hartatik joango naiz, herri koloratu eta menditsu hartatik, soa liluratzen duten itsasoaren eta mendien artean , beren bista Irulegiko arnoa bezain goxoa gure sentsuak pizten dituena.
Basa bideetatik joanen naiz, ekoizle-artisauen gana, haien sekulako antzaren bila, lurralde honen produktueri jatortasuna eta ahantsu akatsgabeko kalitatea ematen dizkietenak.
Herri honen izaitea aurkituko dut hobeki hezteko bakarrik : Izarra likorearen usain berezia, Ezpeletako biperren gorri beroa, Irulegiko arnoaren kolore dirdiratsua, Bankako amuarrainaren songai nabarra , xokoletaren historioa Baionako portura heldu zenetik egungo eguna arte , Baionako urdazpiaren abentura izigarria, euskal bixkotxaren zaporea, erreximentena, gasnarena, Sagarnoaren jazar gustagarria …
Batzutan Bide gormanta hertsia, malkarra da bainan bixta izigarri batekin , nun norabide bakotxak ikuste ezberdina eskaitzen dizuen…..Itsasoaren urdina, mendiak estaltzen dituzten kolore beroak, ardiak dabiltzan soroen gainean dauden sagardi loreztatuak edo mahastiak ; urrundik beren joareak entzuten dira.
Bide buruan, ekoizle-artisau batek errezibituko zaituzte eta esaldi sinpleen, jestu adierazkorren bidez bere lana aipatuko dizue.